Hjúkrunarfræðingur - Vöknun við Hringbraut
Við leitum eftir metnaðarfullum hjúkrunarfræðingi til starfa á vöknun við Hringbraut.
Vöknun er frábær vinnustaður þar sem samvinna, faglegt starf og öryggi sjúklinga eru höfð að leiðarljósi.
Hjúkrunarnemum sem lokið hafa 3ja námsári er velkomið að sækja um, einnig er í boði lægra starfshlutfall, og ávallt með reyndan hjúkrunarfræðing sér við hlið.
Sveigjanleiki í vinnutíma í boði, þar sem hægt að velja að vinna eingöngu á dagvinnutíma á virkum dögum, vera í næturvaktaprósentu eða vinna vaktavinnu skv. vaktaskipulagi deildarinnar.
Deildin er opin allan sólarhringinn, flestir sjúklingar koma eftir skipulagðar aðgerðir á dagvinnutíma, en deildin tekur einnig á móti sjúklingum eftir bráðaaðgerðir á kvöldin, nóttunni og um helgar.
Á vöknun starfa 17 hjúkrunarfræðingar og 3 sjúkraliðar við fjölbreytt og krefjandi verkefni í nánu samstarfi við fagfólk annarra sérgreina. Vöknun er staðsett á 12A og 23A. Deild 12A þjónar börnum og fullorðnum eftir svæfingar og slævingar við skurðaðgerðir og önnur inngrip. Deild 23A sinnir vöktun eftir keisara og kvensjúkdómaaðgerðir. Vöknun heyrir undir skurðlækninga, skurðstofu- og gjörgæsluþjónustu.
Vinnuvika starfsfólks í fullri vaktavinnu er nú 36 stundir og getur orðið minni eftir samsetningu vakta.
Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
- Að veita einstaklingshæfa hjúkrun samkvæmt markmiðum Landspítala
- Að skipuleggja þjónustu deildarinnar með það að markmiði að þarfir og öryggi sjúklings sé í öndvegi
- Að efla og endurmeta gæði hjúkrunar hverju sinni
- Að viðhalda árangursríku upplýsingaflæði til að tryggja samfellda hjúkrun og góða samvinnu starfsfólks
- Að efla ábyrgð og fræðilega þekkingu starfsfólks
- Að stuðla að góðu og hvetjandi vinnuumhverfi
- Íslenskt hjúkrunarleyfi
- Faglegur metnaður
- Sveigjanleiki, jákvætt viðmót og góðir samskiptahæfileikar
- Skipulögð, sjálfstæð og öguð vinnubrögð
- Áhugi og hæfni til að takast á við breytingar og færni í teymisvinnu
Frekari upplýsingar um starfið
Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.
Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.
Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.
Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.
Starfsmerkingar: Heilbrigðisþjónusta, Hjúkrunarfræðingur, hjúkrun